இயல் 5 -தமிழ் - 7ம் வகுப்பு-ஓதுவது ஒழியேல்- eyal 5-7th tamil-othuvathu-oliyel

 இயல் 5 -தமிழ் - 7ம் வகுப்பு

table of contents(toc)

ஓதுவது ஒழியேல்

இன்பத்தமிழ்க் கல்வி

• ஏடெடுத்தேன் கவி ஒன்று வரைந்திட
  என்னை எழுதென்று சொன்னது வான்
  ஓடையும் தாமரைப் பூக்களும் ….
  ……துன்பங்கள் நீங்கும் சுகம் வரும் நெஞ்சினில்
  தூய்மை உண்டாகிடும் வீரம் வரும்   - பாரதிதாசன்

சொல்லும் பொருளும்

• எத்தனிக்கும் – முயலும் 
• பரிதி – கதிரவன்
• வெற்பு - மலை 
• அன்னதோர்  – அப்படிஒரு
• கழனி – வயல் 
• கார்முகில் – மழைமேகம்
• நிகர் – சமம் 
• துயின்றிருந்தார் – உறங்கியிருந்தார்

பொதுவான குறிப்புகள் 

•  பாரதிதாசன் படைப்புகள்- பாண்டியன் பரிசு, அழகின் சிரிப்பு, இசையமுது, இருண்ட வீடு, குடும்ப விளக்கு, கண்ணகி புரட்சிக் காப்பியம். 
• இவர் எழுதிய பிசிராந்தையார் என்னும் நாடகநூலுக்குச் சாகித்திய அகாடமி விருது அளிக்கப்பட்டது.பாரதிதாசன் கவிதைகள் (தமிழ்ப்பேறு - உட்தலைப்பு) 

அழியாச் செல்வம்

• வைப்புழிக் கோட்படா வாய்த்தீயிற் கேடில்லை
  மிக்க சிறப்பின் அரசர் செறின்வவ்வார்
  எச்சம் எனவொருவன் மக்கட்குச் செய்வன
  விச்சைமற்று அல்ல பிற.  -சமண முனிவர்.

சொல்லும் பொருளும்

• வைப்புழி - பொருள் சேமித்து வைக்கும் இடம்
• கோட்படா -ஒருவரால் கொள்ளப்படாது
• வாய்த்து ஈயில் - வாய்க்கும்படி கொடுத்தலும்
• விச்சை - கல்வி

பொதுவான குறிப்புகள் 

• நாலடியார் சமண முனிவர்களால் எழுதப்பட்ட நூலாகும். 
• பதினெண்கீழ்க்கணக்கு நூல்களுள் ஒன்றாகும். 
• இது நானூறு வெண்பாக்களால் ஆனது. 
• இந்நூலை நாலடி நானூறு என்றும், வேளாண்வேதம் என்றும் அழைப்பர். 
• திருக்குறள் போன்றே அறம், பொருள், இன்பம் என்னும் முப்பால் பகுப்புக் கொண்டது. 
• இந்நூல் திருக்குறளுக்கு இணையாக கருதினர்-நாலும் இரண்டும் சொல்லுக்குறுதி.
• வெள்ளத்தால் அழியாது வெந்தணலால்  வேகாது வேந்த ராலும்
  கொள்ளத்தான் முடியாது கொடுத்தாலும் நிறைவன்றிக் குறைவு றாதுகள்ளர்க்கோ பயமில்லை காவலுக்கு மிகஎளிது கல்வி யென்னும்
  உள்ளபொருள் உள்ளிருக்கப் புறத்தேயோர் பொருள்தேடி உழல்கின் றீரே  - தனிப்பாடல் திரட்டு
• (பழைய புத்தகம் -குமரகுருபரர் 17 ஆம் நூற்றாண்டைச் சேர்ந்தவர் இவரின் நூல்கள் கந்தர் கலிவெண்பா, கயிலைக் கலம்பகம், சகலகலாவல்லி மாலை, மீனாட்சி அம்மை பிள்ளைத்தமிழ், முத்துக்குமாரசாமி பிள்ளைத்தமிழ்.இவற்றுள் நீதிநெறி விளக்கம் கடவுள் வாழ்த்து உட்பட 102 செயல்கள் கொண்டது.)

வாழ்விக்கும் கல்வி,

• திருக்குறள் வகுப்புகள், தொடர் சொற்பொழிவுகள்மூலம் திருக்குறளைப் பரப்பும் பணி செய்தவர் திருக்குறளார் வீ.முனிசாமி. 
• படைப்புகள் - வள்ளுவர் உள்ளம், வள்ளுவர் காட்டிய வழி, திருக்குறளில் நகைச்சுவை.சிந்தனைக் களஞ்சியம்.
• உலகப்பொதுமறை  திருக்குறள் உரை விளக்கம் நூல் - பெரும் புகழ்  பெற்றது. 

பள்ளி மறுதிறப்பு

• சுப்ரபாரதிமணியன். இவர் குழந்தைத் தொழிலாளர் முறை ஒழிப்பு, இயற்கை வளங்களைப் பாதுகாத்தல் போன்ற கருத்துகளை வலியுறுத்திச் சிறுகதை, புதினம், கட்டுரை முதலியவற்றை எழுதியுள்ளார்; 
• கனவு என்னும் இலக்கிய இதழை நடத்தி வருகிறார். 
• படைப்புகள் - பின்னல், வேட்டை, தண்ணீர் யுத்தம், புத்துமண், கதை சொல்லும் கலை 

ஓரெழுத்து ஒருமொழி,பகுபதம், பகாப்பதம்

ஓரெழுத்து

• நன்னூல் - எழுதிய பவணந்தி முனிவர் 
• தமிழில் 42 ஓரெழுத்து ஒருமொழிகள் உள்ளன.
• நொ, து ஆகிய இரண்டு சொற்களைத்தவிர ஏனைய 40 சொற்களும் நெடில் எழுத்துக்கள்.

1. ஆ- பசு 

2. ஈ- கொடு 

3. ஊ- இறைச்சி 

4. ஏ- அம்பு 

5. ஐ- தலைவன் 

6. ஓ - மதகுநீர் தாங்கும் பலகை 

7. கா- சோலை 

8. கூ- பூமி 

9. கை- ஒழுக்கம் 

10. கோ-அரசன் 

11. சா- இறந்துபோ 

12. சீ- இகழ்ச்சி 

13. சே- உயர்வு 

14. சோ- மதில்

15. தா- கொடு 

16. தீ- நெருப்பு 

17. தூ- தூய்மை 

18. தே- கடவுள் 

19. தை- தைத்தல் 

20. நா- நாவு 

பகுபதம்

• படித்தான் என்னும் சொல்லைப் படி + த் + த் + ஆன் எனப் பிரிக்கலாம். சிறுசிறு உறுப்புகளாகப் பிரிக்கும் வகையில் அமையும் சொற்களைப் பகுபதங்கள் என்பர். 
• பிரிக்கப்படும் உறுப்புகளைப் பகுபத உறுப்புகள் என்பர்.

பெயர்ப்பகுபதம்

• பகுபதமாக அமையும் பெயர்ச்சொல் பெயர்ப்பகுபதம் ஆகும். 
• இதனை, பொருள், இடம், காலம், சினை, பண்பு, தொழில் என ஆறு வகைப்படுத்துவர்.

(எ.கா.) 

• பொருள்    - பொன்னன் (பொன் + அன்)
• இடம் - நாடன் (நாடு + அன்)
• காலம் - சித்திரையான் (சித்திரை + ஆன்)
• சினை   - கண்ணன் (கண் + அன்)
• பண்பு - இனியன் (இனிமை + அன்)
• தொழில்   – உழவன் (உழவு + அன்)

வினைப்பகுபதம்

• பகுபதமாக அமையும் வினைச்சொல் வினைப்பகுபதம் ஆகும்.

(எ.கா.) 

உண்கின்றான் – உண் + கின்று + ஆன்

பகுபத உறுப்புகள்

• ஆறு வகைப்படும். 
• அவை பகுதி, விகுதி, இடைநிலை, சந்தி, சாரியை,  விகாரம்.
• முதலில் அமைந்து முதன்மையான பொருளைத் தருவது பகுதி. இது கட்டளையாகவே அமையும்.
• இறுதியில் அமைந்து திணை, பால், எண், இடம், முற்று, எச்சம் காட்டுவது விகுதி.
• பகுதிக்கும் விகுதிக்கும் இடையில் அமைந்து காலம் / எதிர்மறையைக் காட்டுவது இடைநிலை.
• பெரும்பாலும் பகுதிக்கும் இடைநிலைக்கும் இடையே இடம்பெறும் மெய்யெழுத்துச் சந்தி எனப்படும்.
• இடைநிலைக்கும் விகுதிக்கும் இடையே இடம்பெறும் அசைச்சொல் சாரியை எனப்படும்.
• பகுதி, சந்தி, இடைநிலை முதலியவற்றில் ஏற்படும் மாற்றம் விகாரம் எனப்படும்.

(எ.கா.)

• வந்தனன் – வா(வ) + த்(ந்) + த் + அன் + அன்
• வா - பகுதி. இது வ எனக் குறுகி இருப்பது விகாரம்
• த்   - சந்தி. இது ந் எனத் திரிந்து இருப்பது விகாரம்
• த்   - இறந்தகால இடைநிலை
• அன் - சாரியை
• அன் - ஆண்பால் வினைமுற்று விகுதி.

பகாப்பதம்

• மரம், கழனி, உண், எழுது - இவ்வாறு பகுபத உறுப்புகளாகப் பிரிக்கமுடியாத சொல் பகாப்பதம் எனப்படும். 
• இவை அடிச்சொல் அல்லது வேர்ச்சொல்லாக இருக்கும்.
• பெயர், வினை, இடை, உரி ஆகிய 4 வகை 

(எ.கா.)

•  பெயர்ப் பகாப்பதம் – நிலம், நீர், நெருப்பு, காற்று.
• வினைப் பகாப்பதம் - நட, வா, படி, வாழ்.
• இடைப் பகாப்பதம் - மன், கொல், தில், போல்.
• உரிப் பகாப்பதம் - உறு, தவ, நனி, கழி

மூவிடம்

• இடம் மூன்று வகைப்படும். அவை 1. தன்மை 2. முன்னிலை 3. படர்க்கை. 

தன்மை

• தன்னைக் குறிப்பது தன்மை.
• (எ.கா.) நான், நாம், நாங்கள், என், எம், எங்கள். 

முன்னிலை

• முன்னால் இருப்பவரைக் குறிப்பது முன்னிலை.
• (எ.கா.) நீ, நீங்கள், நீர், நீவிர், உன், உங்கள். 

படர்க்கை

• தன்னையும், முன்னால் இருப்பவரையும் அல்லாமல் மூன்றாமவரைக் குறிப்பது படர்க்கை.
• (எ.கா.) அவன், அவள், அவர், அவர்கள், அது, அவை, இவன், இவள், இவை. 

கலைச்சொல் அறிவோம்.

• கோடை விடுமுறை - Summer Vacation 
• நீதி - Moral 
• குழந்தைத் தொழிலாளர் - Child Labor 
• சீருடை - Uniform
• பட்டம் - Degree 
• வழிகாட்டுதல் - Guidance
• கல்வியறிவு - Literacy 
• ஒழுக்கம் - Discipline