இயல் 6-தமிழ்-7 ம் வகுப்பு
கலை வண்ணம்
table of contents(toc)
ஒரு வேண்டுகோள்.
சொல்லும் பொருளும்
- பிரும்மாக்கள் – படைப்பாளர்கள்
- வனப்பு – அழகு
- நெடி – நாற்றம்
- பூரிப்பு – மகிழ்ச்சி
- மழலை – குழந்தை
- மேனி – உடல்
நூல் வெளி
- தேனரசன் தமிழாசிரியராகப் பணியாற்றியவர்.
- இவர் வானம்பாடி, குயில், தென்றல் போன்ற இதழ்களில் கவிதைகள் எழுதியுள்ளார்.
- இவரது கவிதைகளில் சமுதாயச் சிக்கல்கள் எள்ளல் சுவையோடு வெளிப்படும்.
- மண்வாசல், வெள்ளை ரோஜா, பெய்து பழகிய மேகம் ஆகிய கவிதையும் பெய்து பழகிய மேகம் நூலையும் எழுதியுள்ளார்.
கீரைப்பாத்தியும் குதிரையும்(இரட்டுற மொழிதல்)
- ஒரே பாடலில் இரண்டு பொருள் தோன்றும்படி பாடப்படுவதில் இரட்டுறமொழிதலும் ஒன்று. இதனைச் ‘சிலேடை’ என்றும் கூறுவர்.
- கட்டி அடிக்கையால் கால்மாறிப் பாய்கையால்
வெட்டி மறிக்கின்ற மேன்மையால் - முட்டப்போய்
மாறத் திரும்புகையால் வண்கீரைப் பாத்தியுடன்
ஏறப் பரியாகு மே* - காளமேகப் புலவர்
சொல்லும் பொருளும்
- வண்கீரை - வளமான கீரை
- பரி - குதிரை
- முட்டப்போய் - முழுதாகச் சென்று
- கால் - வாய்க்கால், குதிரையின் கால்
- மறித்தல் - தடுத்தல் (மண்ணை வெட்டித் தடுத்துப் பாத்தி கட்டுதல்), எதிரிகளைத் தடுத்துத் தாக்குதல்
நூல் வெளி
- காளமேகப்புலவரின் இயற்பெயர் வரதன்.
- மேகம் மழை பொழிவது போலக்கவிதைகளை விரைந்து பாடியதால் இவர் காளமேகப்புலவர் என்று அழைக்கப்பட்டார்.
- திருவானைக்கா உலா, சரசுவதி மாலை, பரபிரம்ம விளக்கம். சித்திர மடல் ஆகிய நூல்களை எழுதியுள்ளார்.
- இவரது தனிப்பாடல்கள் - தனிப்பாடல் திரட்டு என்னும் நூலிலும் இடம் பெற்றுள்ளன.
பேசும் ஓவியங்கள்
- சுவர்களிலும் மேற்கூரைகளிலும் வரையும் ஓவியத்தின் எடுத்துக் காட்டு சித்தன்ன வாசல்
- ஓவியம் வரையப் பயன்படும் துணியை எழினி, திரைச்சீலை, கிழி, படாம் என்பன பலப் பெயர்கள்
- சீவகசிந்தாமணிக் காப்பியத்தில் குணமாலை (தலைவி) யானையைக் கண்டு அஞ்சிய காட்சியைச் சீவகன் துணியில் வரைந்ததாகக் கூறப்பட்டுள்ளது.
- துணி ஓவியம்-கலம்காரி ஓவியங்கள் என்னும் பெயரில் தமிழகத்திலும் ஆந்திராவிலும் ஓவியர்கள் வரைந்து வருகின்றனர்
- புனையா ஓவியம் கடுப்பப் புனைவில் - நெடுநல்வாடை
- புனையா ஓவியம் புறம் போந்தன்ன -மணிமேகலை
- ஓலைச்சுவடிகள் - தஞ்சாவூர் சரசுவதி மகால் நூலகத்தில் உள்ளது.
- ஓவிய மண்டபத்தில் பல வகை ஓவியங்கள் வரையப்பட்டிருந்தன என்ற செய்தி பரிபாடலில் இடம் பெற்றுள்ளது.
- இன்ன பலபல எழுத்துநிலை மண்டபம்
துன்னுநர் சுட்டவும் சுட்டு அறிவுறுத்தவும் - பரிபாடல் (19 : 54-55)
தந்த ஓவியம் :
- யானையின் தந்ததில் ஓவியம் தீட்டினர்.கேரள மாநிலத்தில் அதிகமாகக் காணமுடியும்
கண்ணாடி ஓவியம் :
- கண்ணாடியில் வரையும் ஓவியர்கள் தஞ்சாவூரில் மிகுதியாக உள்ளனர்.
கருத்துப்பட ஓவியம்:
- இந்தியா- இதழில் பாரதியார் தான் முதன்முதலில் பயன்படுத்தினார்
ஓவியம்
- ஓவு, ஓவியம், ஓவம், சித்திரம், படம், படாம் , வட்டிகைச்செய்தி.
- ஓவியம் வரைபவர்
- கண்ணுள் வினைஞர், ஓவியப் புலவர், ஓவமாக்கள், கிளவி வல்லோன், சித்திரக்காரர், வித்தகர்.
ஓவியக் கூடம்
- எழுதெழில் அம்பலம், எழுத்துநிலை மண்டபம், சித்திர அம்பலம், சித்திரக்கூடம், சித்திரமாடம், சித்திரமண்டபம், சித்திர சபை
- ஐரோப்பியக் கலை நுணுக்கத்துடன் இந்தியக் கதை மரபுகளை இணைத்து ஓவியங்களில் புதுமைகளைப் புகுத்தியவர் இராஜா இரவிவர்மா.
- இவரது ஓவியமுறைகள் நாட்காட்டிகளில் அதிகம் பயன்படுத்தப்பட்டன.
- நாட்காட்டி ஓவியம் வரையும் முறையின் முன்னோடிகளுள் ஒருவராகக் கருதப்படுபவர் கொண்டையராஜு .
- நாட்காட்டி ஓவியங்களைப் பசார் பெயிண்டிங் என்றும் அழைப்பர்.
தமிழ் ஒளிர் இடங்கள்
தஞ்சை சரசுவதி மகால் நூலகம்
- இந்தியாவில் உள்ள தொன்மையான நூலகம் தஞ்சை சரசுவதி மகால் .
- இந்நூலகம் கி.பி. (பொ.ஆ.) 1122 முதல் இயங்கி வருகிறது.
- இங்குத் தமிழ், தெலுங்கு உள்ளிட்ட பல்வேறு மொழிகளின் ஓலைச் சுவடிகளும் கையெழுத்துப் படிகளும் உள்ளன.
- தலைசிறந்த ஓவியங்களும் தொன்மையான இசைக் கருவிகளும் சிற்பங்களும் இங்கு இடம்பெற்றுள்ளன.
தமிழ்ப் பல்கலைக்கழகம் - தஞ்சாவூர்.
- தமிழக அரசால் கி.பி. (பொ.ஆ.) 1981 இல் தஞ்சாவூரில் தோற்றுவிக்கப்பட்டது தமிழ்ப்பல்கலைக்கழகம்.
- இங்குக் கலைப்புலம், சுவடிப்புலம், வளர்தமிழ்ப்புலம், மொழிப்புலம், அறிவியல்புலம் ஆகிய ஐந்து புலங்களும் 25 துறைகளும் உள்ளன.
உ.வே.சா நூலகம் – சென்னை
- கி.பி. (பொ.ஆ.) 1942 இல் தொடங்கப்பட்ட இந்நூலகத்தில் தமிழ், தெலுங்கு, வடமொழி உள்ளிட்ட பல்வேறு மொழி நூல்கள் உள்ளன.
- இங்கு 2128 ஓலைச்சுவடிகளும் 2941 தமிழ் நூல்களும் உள்ளன.
கீழ்த்திசை நூலகம் – சென்னை
- இந்நூலகம் கி.பி. (பொ.ஆ.) 1869ஆம் ஆண்டு தொடங்கப்பட்டது.
- இங்குத் தமிழ், தெலுங்கு, கன்னடம், மராத்தி உள்ளிட்ட பல்வேறு மொழிகளின் ஓலைச்சுவடிகள் உள்ளன.
- கணிதம், வானியல், மருத்துவம், வரலாறு உள்ளிட்ட பல்வேறு துறை நூல்களும் இடம்பெற்றுள்ளன.
- இது தற்போது அண்ணா நூற்றாண்டு நூலகத்தின் ஏழாம் தளத்தில் இயங்கி வருகின்றது.
கன்னிமாரா நூலகம் – சென்னை
- கி.பி.(பொ. ஆ.) 1896 இல் தொடங்கப்பட்ட கன்னிமாரா நூலகம் தமிழ்நாட்டின் மையநூலகம் ஆகும்.
- இஃது இந்திய நாட்டின் களஞ்சிய நூலகங்களில் ஒன்றாகவும் விளங்குகிறது.
- ஆறு இலட்சத்திற்கும் மேற்பட்ட நூல்கள் உள்ளன.
- இந்தியாவில் வெளியிடப்படும் புத்தகங்கள், நாளிதழ்கள், பருவ இதழ்கள் ஆகியவற்றின் ஒரு படி (பிரதி) இங்குப் பாதுகாக்கப்படுகிறது.
- இந்நூலகத்தின் மூன்றாம் தளத்தில் மறைமலை அடிகள் நூலகமும் செயல்பட்டு வருகின்றது.
வள்ளுவர் கோட்டம் - சென்னை
- திருவள்ளுவரின் புகழை உலகறியச் செய்யச் சென்னைக் கோடம்பாக்கத்தில் வள்ளுவர் கோட்டம் என்னும் கலைக்கூடம் அமைக்கப்பட்டுள்ளது.
- 1973 இல் தொடங்கி 1976 இல் முடிக்கப்பட்டன.
- 25 அடி நீளமும், 25 அடி அகலமும் உடையது.
- தேரின் மொத்த உயரம் 128 அடி. இரண்டு பக்கங்களிலும் பக்கத்திற்கு நான்கு சக்கரங்கள் தனிக்கற்களால் ஆனது.
- வள்ளுவர் கோட்டத்தில் 1330 குறட்பாக்களும் செதுக்கப்பட்டுள்ளன.
- அறத்துப்பால் - கருநிறப் பளிங்குக்கல்
- பொருட்பால் -வெண்ணிறப் பளிங்குக் கல்
- இன்பத்துப்பால் - செந்நிறப் பளிங்குக் கல் அழகாகப் பொறிக்கப்பட்டுள்ளன.
திருவள்ளுவர் சிலை - கன்னியாகுமரி
- இந்தியாவின் தெற்கு எல்லையாகிய கன்னியாகுமரியில் திருவள்ளுவரின் சிலை தமிழக அரசால் நிறுவப்பட்டுள்ளது.
- 1990ஆம் ஆண்டு தொடங்கி பொதுமக்கள் பார்வைக்காக 01.01.2000, அன்று திறந்துவைக்கப்பட்டது.
- அறத்துப்பாலின் அதிகாரங்களை உணர்த்துவது போல் பீடம் 38 அடி உயரம் கொண்டதாக அமைக்கப்பட்டுள்ளது.
- பொருட்பால், இன்பத்துப்பால் ஆகியவற்றின் மொத்த அதிகாரங்களைக் குறிக்கும் வகையில் சிலை 95 அடி உயரம் உடையதாக அமைக்கப்பட்டுள்ளது.
- 3681 கருங்கற்கள் கொண்டு கட்டப்பட்டது
- சிலை = 7000 டன் எடை கொண்டது.
உலகத் தமிழ்ச் சங்கம் - மதுரை
- மதுரை ( தல்லாகுளம்) காந்தி அருங்காட்சியகம் அருகில் உலகத் தமிழ்ச் சங்கம் நிறுவப்பட்டுள்ளது.
- 80,000 சதுர அடி பரப்பளவு கொண்டது.
- 1981-ஆம் ஆண்டு மதுரையில் நடைபெற்ற உலகத்தமிழ் மாநாட்டில் அறிவிக்கப்பட்டபடி 2016ல் திறந்துவைக்கப்பட்டது.
- தருமிக்குப் பாண்டிய மன்னன் பொற்கிழி வழங்கிய திருவிளையாடல் புராணக் காட்சி இதன் நுழைவாயிலில் புடைப்புச் சிற்பமாகச் செதுக்கப்பட்டுள்ளது.
- தொல்காப்பியர், ஒளவையார், கபிலர் ஆகியோரின் முழுஉருவ வெண்கலச் சிலைகள் நிறுவப்பட்டுள்ளன.
சிற்பக் கலைக்கூடம் - பூம்புகார்
- சோழர்களின் தலைநகரமாகவும் துறைமுக நகரமாகவும் விளங்கியது பூம்புகார்.
- மருவூர்ப்பாக்கம் என்னும் கடல் பகுதியும் பட்டினப்பாக்கம் என்னும் நகரப் பகுதியும் அமைந்திருந்ததாகச் சிலப்பதிகாரம் கூறுகிறது.
- 1973 - பூம்புகார் கடற்கரையில் சிற்பக் கலைக்கூடம் நிறுவப்பட்டது.
- இக்கூடம் ஏழுநிலை மாடங்களைக் கொண்டது. கண்ணகியின் வரலாற்றை விளக்கும் 119 சிற்பத் தொகுதிகள் இடம்பெற்றுள்ளன. மாதவிக்கும் ஒரு சிலை இங்கு நிறுவப்பட்டுள்ளது.
- கலைக்கூடத்திற்கு அருகில் இலஞ்சிமன்றம், பாவைமன்றம், நெடுங்கல்மன்றம் உள்ளது.
தொழிற்பெயர்
- ஒரு செயலின் அல்லது வினையின் பெயராக அமைவது தொழிற்பெயர் எனப்படும்.
- தொழிற்பெயர் எண், இடம், காலம், பால் ஆகியவற்றைக் காட்டாது.
- படர்க்கை இடத்தில் மட்டும் வரும்.
- தொழிற்பெயரை விகுதி பெற்ற தொழிற்பெயர், முதனிலைத் தொழிற்பெயர், முதனிலை திரிந்த தொழிற்பெயர் எனப் பிரிப்பர்
விகுதி பெற்ற தொழிற்பெயர்
- நடத்தல், உண்ணல், வாழ்வு, வாழ்க்கை ஆகிய பெயர்களில். நட, உண், வாழ் ஆகிய வினைப்பகுதிகள் தல், அல், வு, கை ஆகிய விகுதிகளோடு சேர்ந்து தொழிற்பெயர்களாக அமைகின்றன.
- வினைப்பகுதியுடன் தொழிற்பெயர் விகுதி சேர்ந்து வருவது விகுதி பெற்ற தொழிற்பெயராகும்.
- தல், அல், அம், ஐ, கை, வை, கு, பு, வு, தி, சி, வி, மை -போன்றவை தொழிற்பெயர் விகுதிகளாக வரும்.
(எ.கா.)
- தருதல் - தல் நட்பு - பு
- கூறல் - அல் மறைவு - வு
- ஆட்டம் – அம் மறதி - தி
- விலை – ஐ. உணர்ச்சி - சி
- வருகை - கை கல்வி - வி
- பார்வை - வை. செய்யாமை - மை
- போக்கு - கு.
முதனிலைத் தொழிற்பெயர்.
- வானில் இடி இடித்தது. சோறு கொதி வந்தது.
- இடி, கொதி என்னும் சொற்கள் இடித்தல், கொதித்தல் என்னும் சொற்களின் பகுதிகளாகும்.
- இவ்வாறு ஏவல் ஒருமை வினையாக அமையும் வினைச்சொற்களின் பகுதியை முதனிலை என்பர்.
- முதனிலை எவ்வகை மாற்றமும் பெறாமல் தொழிற்பெயராக அமைவது முதனிலைத் தொழிற்பெயர் எனப்படும்.
முதனிலை திரிந்த தொழிற்பெயர்
- தமிழ் படிக்கும் பேறு பெற்றேன்.உணவின் சூடு குறையவில்லை.
- பேறு, சூடு ஆகிய சொற்கள் பெறு, சுடு என்னும் பகுதிகளின் முதலெழுத்து நீண்டு, பேறு, சூடு எனத் திரிந்து தொழிற்பெயர்களாக மாறி உள்ளன.
- முதனிலை திரிவதால் உருவாகும் தொழிற்பெயர் முதனிலை திரிந்த தொழிற்பெயர் எனப்படும்.
- (எ.கா.) விடு- வீடு, மின்- மீன், கொள்- கோள், உடன்படு- உடன்பாடு
கலைச்சொல் அறிவோம்.
- படைப்பாளர் – Creator அழகியல் – Aesthetics
- சிற்பம் – Sculpture தூரிகை – Brush
- கலைஞர் – Artist கருத்துப்படம் – Cartoon
- கல்வெட்டு – Inscriptions குகை ஓவியங்கள் – Cave paintings
- கையெழுத்துப்படி – Manuscripts நவீன ஓவியம் - Modern Art
