இயல் 7 - 7ம் வகுப்பு
நயத்தகு நாகரிகம்
விருந்தோம்பல்
- மாரியொன்று இன்றி வறந்திருந்த காலத்தும்
பாரி மடமகள் பாண்மகற்கு – நீர்உலையுள்
பொன்திறந்து கொண்டு புகாவாக நல்கினாள்
ஒன்றுறா முன்றிலோ இல் - முன்றுறை அரையனார்
- பாரியின் புதல்வியர் பாணர்களுக்குப் புதுமையாக உணவு அளித்த செய்தியைக் கூறும் பாடல்
சொல்லும் பொருளும்
• மாரி - மழை
• வறந்திருந்த - வறண்டிருந்த
• புகாவாக - உணவாக
• மடமகள் - இளமகள்
• நல்கினாள் - கொடுத்தாள்
• முன்றில் - வீட்டின் முன் இடம் (திண்ணை) இங்கு வீட்டைக் குறிக்கிறது
நூல் வெளி
- பழமொழி ஒன்றுறா முன்றிலோ இல் என்பதாகும். ஒன்றுமில்லாத வீடு எதுவுமில்லை என்பது இதன் பொருள்
- பழமொழி நானூறு - முன்றுறை அரையனார்
- பழமொழி நானூறு நூலின் கடவுள் வாழ்த்துப் பாடல் -சமண சமயத்தைச் பற்றியது.
- பழமொழி நானூறு பதினெண்கீழ்க்கணக்கு நூல்களுள் ஒன்று. இது 400 பாடல்களைக் கொண்டது.
வயலும் வாழ்வும்
- கால்படவும் கதிருபூரா - ஏலேலங்கிடி ஏலேலோ
கழலுதையா மணிமணியா - ஏலேலங்கிடி ஏலேலோ - தொகுப்பாசிரியர் – கி.வா. ஜகந்நாதன்
சொல்லும் பொருளும்
- குழி - நில அளவைப்பெயர்
- சீலை - புடவை
- சாண் - நீட்டல் அளவைப்பெயர்
- மடை - வயலுக்கு நீர் வரும் வழி
- மணி - முற்றிய நெல்
- கழலுதல் - உதிர்தல்
- சும்மாடு - பாரம் சுமப்பவர்கள் தலையில் வைத்துக்கொள்ளும் துணிச்சுருள்
நூல் வெளி
- மாடுகட்டிப் போரடித்தால் மாளாது செந்நெல்லென்று
ஆனைகட்டிப் போரடிக்கும் அழகான தென்மதுரை -(நாட்டுப்புறப்பாடல்) - மலை அருவி என்னும் நூலில் கி.வா. ஜகந்நாதன் தொகுத்தார்.
திக்கெல்லாம் புகழுறும் திருநெல்வேலி
- பாண்டியர்களின் தலைநகரமாக மதுரை விளங்கியது.
- இரண்டாவது தலைநகரமாகத் திருநெல்வேலி விளங்கியது.
- திக்கெல்லாம் புகழுறும் திருநெல்வேலி என்று திருஞானசம்பந்தரும்,
- தண்பொருநைப் புனல்நாடு என்று சேக்கிழாரும் திருநெல்வேலியைப் போற்றியுள்ளனர்.
- முற்காலத்தில் திருநெல்வேலிக்கு வேணுவனம் என்னும் பெயரும் இருந்துள்ளது. மூங்கில்காடு என்பது அதன் பொருளாகும்.
- பொதியி லாயினும் இமய மாயினும்
பதியெழு அறியாப் பழங்குடி -என்று இளங்கோவடிகள் பொதிகை மலைக்கு முதலிடம் கொடுத்தார். - வானரங்கள் கனிகொடுத்து மந்தியொடு கொஞ்சும்
- மந்திசிந்து கனிகளுக்கு வான்கவிகள் கெஞ்சும் எனக் குற்றாலவளம் பற்றித் திரிகூடஇராசப்பக்கவிராயர் (குற்றாலக் குறவஞ்சி).
- ஆதிச்ச நல்லூர் நிகழ்ந்த அகழ்வாய்வில் இறந்தவர்களைப் புதைக்கப் பழந்தமிழர்கள் பயன்படுத்திய முதுமக்கள் தாழிகள் கண்டெடுக்கப்பட்டுள்ளன.
- இது முன்னர் திருநெல்வேலி மாவட்டத்தில் இருந்தது இப்போது தூத்துக்குடி மாவட்டத்தில் உள்ளது.
- திருநெல்வேலியும் பாளையங்கோட்டையும். இரட்டை நகரங்கள் என அழைக்கப்படுகின்றன.
- பாளையங்கோட்டையில் அதிக அளவில் கல்வி நிலையங்கள் இருப்பதால் தென்னிந்தியாவின் ஆக்ஸ்போர்டு என்பர்.
- தாமிரபரணி -தண்பொருநை நதியென அழைக்கப்பட்டது.பச்சையாறு, மணிமுத்தாறு, சிற்றாறு, காரையாறு, சேர்வலாறு, கடனாநதி ஆகியன இதன் கிளை ஆறுகள்.
- இராதாபுரம், நாங்குநேரி, அம்பாசமுத்திரம், தென்காசி போன்ற பகுதிகளில் பெருமளவில் வாழை பயிரிடப்படுகின்றது.
- நெல்லிக்காய் உற்பத்தியில் தமிழகத்தில் நெல்லை முதலிடம் வகிக்கின்றது.
- தாமிரபரணி கடலில் கலக்கும் இடம் கொற்கை (துறைமுகம்)
- முத்துப்படு பரப்பிற் கொற்கை முன்றுறை -(நற்றிணை 23:6)
- கொற்கையில் பெருந்துறை முத்து -(அகம் 27:9) என்று இலக்கியங்கள் கொற்கையின் முத்துபற்றிக் கூறுகின்றன.
- திங்கள் நாள்விழா மல்கு திருநெல்
- வேலியுறை செல்வர் தாமே -என்னும் திருஞானசம்பந்தர் பாடல் அடி.
- காவற்புரை தெரு- காவற்புரை என்றால் சிறைச்சாலை.
- கூழைக்கடைத் தெரு- கூலம் -தானியம். கூலக்கடைத்தெரு என்பது மருவிக் கூழைக்கடைத் தெரு.
- அக்கசாலை - பொன் அணிகலன் விற்கும் தெரு.
- அகத்தியர் - பொதிகை மலையில் வாழ்ந்தார்
- சங்கப் புலவரான மாறோக்கத்து நப்பசலையார், நம்மாழ்வார், பெரியாழ்வார், குமரகுருபரர், திரிகூடராசப்பக் கவிராயர், கவிராசப் பண்டிதர் ஆகியோர் திருநெல்வேலியில் பிறந்தவர்கள்.
- அயல்நாட்டு அறிஞர்களான ஜி.யு. போப், கால்டுவெல், வீரமாமுனிவர்
ஊர் பெயர்கள்
- பாண்டிய மன்னன் நின்றசீர் நெடுமாறனை வரவேற்ற இடம் பாண்டியபுரம்
- அவன் தேவியாகிய மங்கையர்க்கரசியை வரவேற்ற இடம் திருமங்கை நகர்.
- நாயக்க மன்னரின் தளவாய் - அரியநாதரின் வழித் தோன்றல் வீரராகவர்- பெயரில் வீரராகவபுரம்
- அவரது துணைவியார் மீனாட்சி அம்மையார் பெயரில் மீனாட்சிபுரம்.
திருநெல்வேலிச் சீமையும் கவிகளும்
- கடிகைமுத்து புலவர் - வெங்கடேசுர எட்டப்பராஜா பாடல்
- சீவலப்பேரி - மூக்கூடல் பள்ளு
- ஆற்று வெள்ளம் நாளை வரத் தோற்று தேகுறி –
மலையாள மின்னல் ஈழ மின்னல் சூழ மின்னுதே!
- ஆற்று வெள்ளம் நாளை வரத் தோற்று தேகுறி –
- பலபட்டடைச் சொக்கநாதப் புலவர், நெல்லையப்பர் கோவிலின் காந்திமதித் தாயிடம் தனக்கு சுவாமியிடம் சிபாரிசு செய்யவேண்டும் என்று முரண்டுகிறார் .
- பிள்ளைப்பெருமாள் -சீவைகுண்டத்துப் பெருமாள் பற்றி பாடியுள்ளார்.
- நம்மாழ்வார் (ஆழ்வார்திருநகரி) (பழம்பெயர் திருக்குருகூர்) - 1000 பாடல் திருவாய்மொழி
- கொற்கை முத்துபற்றி முத்தொள்ளாயிர ஆசிரியர் பாடல்.
- சீதக்காதி- காயல்பட்டணம் வள்ளல்பற்றி நமசிவாயப் புலவர் பாடல்
- பூமாது இருந்தென் புவிமாது இருந்தென் இப்பூதலத்தில்
நாமாது இருந்தென்ன நாமும் இருந்தென்ன நாவலர்க்குக்
கோமான் அழகமர் மால்சீதக் காதி கொடைக்கரத்துச்
சீமான் இறந்திட்ட போதே புலமையும் செத்ததுவே!
- பூமாது இருந்தென் புவிமாது இருந்தென் இப்பூதலத்தில்
- அருணகிரிநாதர் - திருச்செந்தூர் நந்தவனம் பற்றியப் பாடல்கள்
- காவடிச்சிந்தைப் பாடியவர் அண்ணாமலையார் கழுகுமலை முருகன்.
- கோமதித் தாய்ப் பற்றி அழகிய சொக்கநாதர்
- வாடா என அழைத்து வாழ்வித்தால் அம்ம உனைக்
கூடாதென் றார் தடுப்பார் கோமதித்தாய் ஈஸ்வரியே! -எனப் பாடியுள்ளார்
- வாடா என அழைத்து வாழ்வித்தால் அம்ம உனைக்
- கருவைநல்லூர் -கரிவலம் வந்த நல்லூர் பற்றி பல புலவர் பாடியுள்ளனர். திருக்கருவை வெண்பா அந்தாதி, பதிற்றுப்பத்தந்தாதி, கலித்துறை அந்தாதி.(அதிகம் பக்தி பாடல்கள்)
- திருஞான சம்பந்தர் -குற்றாலம் பற்றி 'நுண் துளி தூங்கும் குற்றாலம்',
- மாணிக்கவாசகர் - குற்றாலம் பற்றி
- உற்றாரை யான்வேண்டேன் ஊர்வேண்டேன் பேர்வேண்டேன்
- கற்றாரை யான்வேண்டேன் கற்பனவும் இனி அமையும்
குற்றாலத் துறைகின்ற கூத்தாஉன் குரைகழற்கே
கற்றாவின் மனம்போலக் கசிந்துருக வேண்டுவனே!
டி.கே.சி-(டி.கே. சிதம்பரநாதர்)
- வழக்கறிஞர் தொழில் செய்தவர்; தமிழ் எழுத்தாளராகவும் திறனாய்வாளராகவும் புகழ் பெற்றவர்
- சிறப்புப் பெயர் -இரசிகமணி
- இவர் வீட்டில் ‘வட்டத்தொட்டி’ என்னும் பெயரில் இலக்கியக் கூட்டங்கள் நடத்தி வந்தார்.
- இவர் கடித இலக்கியத்தின் முன்னோடி, தமிழிசைக் காவலர், வளர்தமிழ் ஆர்வலர், குற்றால முனிவர் எனப் புகழப்படுகிறார்.
- இவரது நூல்களில் ஒன்று - இதய ஒலி .
அணி இலக்கணம்
அணி
- அணி - அழகு எனப் பொருள்.
- ஒரு செய்யுளைச் சொல்லாலும், பொருளாலும் அழகு பெறச் செய்தலை அணி என்பர்
உவமையணி
- ஒப்பிட்டுக் கூறப்படும் பொருளை (மயில், மீன்) உவமை அல்லது உவமானம் என்பர். உவமையால் விளக்கப்படும் பொருளை உவமேயம் என்பர். போல என்பது உவம உருபு
எ.கா : மயில்போல ஆடினாள். - ஒரு பாடலில் உவமையும், உவமேயமும் வந்து உவம உருபு வெளிப்படையாக வந்தால் அது உவமை அணி எனப்படும்.
- போல, புரைய, அன்ன, இன்ன, அற்று, மான, கடுப்ப, ஒப்ப, உறழ போன்றவை உவம உருபுகள்.
எடுத்துக்காட்டு உவமை அணி
- தொட்டனைத்து ஊறும் மணற்கேணி மாந்தர்க்குக்
கற்றனைத்து ஊறும் அறிவ - மணற்கேணி என்பது உவமை. மாந்தர்க்குக் கற்றனைத்து ஊறும் அறிவு என்பது உவமேயம்.
- இடையில் ‘அதுபோல்’ உவம உருபு மறைந்து வந்துள்ளது.
- இவ்வாறு உவமை ஒரு தொடராகவும் உவமேயம் ஒரு தொடராகவும் வந்து உவம உருபு மறைந்து வந்தால் அஃது எடுத்துக்காட்டு உவமை அணி எனப்படும்.
இல்பொருள் உவமையணி
- காளை கொம்பு முளைத்த குதிரைபோலப் பாய்ந்து வந்தது.
- ‘கொம்பு முளைத்த குதிரைபோல’ என்னும் உவமை வந்துள்ளன.
- கொம்பு முளைத்த குதிரையும் இல்லை. உலகில் இல்லாத ஒன்றை உவமையாகக் கூறுவதை இல்பொருள் உவமை அணி என்பர்
கலைச்சொல் அறிவோம்.
- நாகரிகம் - Civilization
- வேளாண்மை - Agriculture
- நாட்டுப்புறவியல் - Folklore
- கவிஞர் - Poet
- அறுவடை - Harvest
- நெற்பயிர் - Paddy
